Memleket basshysy Qasym-Jomart Toqaev koronavirýs infektsiiasynyń taralýyna jol bermeý maqsatynda engizilgen shekteý sharalaryna túsinistikpen qaraýdy surady. Bul týraly Memleket basshysy halyqqa úndeýinde aitty, dep habarlaidy "Ult aqparat".
«Álem óte kúrdeli ahýaldy bastan ótkerýde. Dúnie júzin koronavirýstyń taralýy alańdatyp otyr. Bul indet kúnnen kúnge ýshyǵyp barady. Ókinishke qarai, bul indet bizdiń elimizde de tirkeldi. Meniń keshegi Jarlyǵymmen búgin saǵat segizden bastap Qazqastannyń aýmaǵynda tótenshe jaǵdai engizildi. Tótenshe jaǵdai rejimi otyz táýlikke sozylady. Prezident janynan memlekettik komissiia quryldy. Ony Premer-ministr basqarady. Barlyq qajetti aldyn alý sharasy júzege asyrylady», - dedi Prezident úndeýinde.
Memleket basshysy qoǵamdyq tártip qatań baqylaýǵa alynatynyn jetkizdi.
«Kópshilik qatysatyn is-sharalar toqtatyldy. Kóp azamattar aldaǵy mereke kúnderine orai jospar qurǵan bolar. Degenmen búkil halyqtyń densaýlyǵy úshin osyndai sheshim qabyldap otyrmyz. Iri saýda nysandarynyń jumysyn shekteýge májbúrmiz. Biraq azyq-túlik dúkenderi men bazarlar jumysyn jalǵastyra beredi», - dedi ol.
