Prezident Qasym-Jomart Toqaev Bibisara Asaýbaevany Aziianyń úzdik shahmatshysy atanýymen quttyqtady, - dep habarlaidy "Ult aqparat".
"Bibisara Asaýbaeva tolaǵai tabysqa qol jetkizdi. FIDE qazaqstandyq daryndy qyzdy Aziianyń úzdik shahmatshysy dep tanydy. Qazaqstan shahmatshylaryna únemi qoldaý kórsetip kele jatqan Prezident Qasym-Jomart Toqaev bul jańalyqty nazardan tys qaldyrǵan joq. Ol Bibisarany quttyqtap, jańa jetistikter tiledi", - delingen habarlamada.
Eske salaiyq, buǵan deiin Bibisara Asaýbaeva áielder arasynda Aziianyń úzdik shahmatshysy atanǵany habarlanǵan bolatyn.
