Memleket basshysy Qasym-Jomart Toqaev saiasi reformalar júrgizý qajettigi týraly aitty, dep habarlaidy QazAqparat.
«Men bastapqyda «aldymen ekonomika, sodan keiin saiasat» formýlasy óz resýrsyn sarqyp bitti dep oiladym. Biraq bul 90-jyldardyń basynda óte paidaly boldy. Adamdardyń azamattyq belsendiligin kóterý úshin saiasi ózgerister jasaýymyz keregin túsindim jáne qoǵam da osyny qajet etip otyrǵan edi. Is júzinde saiasi reformalardy bastadym. 2019 jyly beibit mitingiler týraly zańdy ázirleýge kiristik, sodan keiin parlamenttik reforma bastaldy jáne áielderge qatysty 30% kvota engizildi», - dedi QR Prezidenti reseilik jýrnalist Andrei Kondrashovqa bergen suhbatynda.
Memleket basshysy elimizde ótken referendýmnyń baǵytyn da túsindirdi.
«Referendýmǵa kelsek, bul saiasi qurylymdy qaita qurý maqsatynda men bastaǵan naýqandy jalǵastyrýmen bailanysty. Rasynda da, biz sýperprezidenttik júieden ketýimiz kerek, ol óziniń tiimdi bolǵanyn kórsetti. Qazaqstan 90-jyldardyń aiaǵy men 2000-jyldardyń basynda óz damýynda úlken serpilis jasady. Biraq ómir bir orynda turmaidy, qaita qurýlar men reformalar qajet. Sondyqtan yqpaldy parlament, atqarýshy bilik óz rólin atqaratyn jáne Parlament pen óz halqy aldynda tolyq esep beretin órkenietti prezidenttik júiege kóshý qajet dep uiǵardym. Parlamentke kelsek, tómengi palataǵa kelesi sailaý múldem jańa erejede ótedi – 70% degenimiz proportsionaldy júie, iaǵni partiialyq tizimder, al 30% - birmandatty okrýgter boiynsha majoritarlyq júie bolady. Árine, Parlamenttiń qyzmetine qatysty keibir zańdardy ózgertý qajet bolady. Bul úlken jumys, ony jyl sońyna deiin sheshe alamyz dep oilaimyn», - dedi Qasym-Jomart Toqaev.
