Memleket basshysy sáýletshi Jandarbek Málibekulyn 80 jasqa tolǵan mereitoiymen quttyqtady, - dep habarlaidy "Ult aqparat".
Prezidenttiń baspasóz hatshysy Berik Ýáli biyl - Qazaqstannyń memlekettik rámizderiniń bekitilgenine 30 jyl bolǵanyn, sondai-aq búgin Qazaqstan Respýblikasy Memlekettik Eltańbasynyń avtory, qoǵam qairatkeri, belgili sáýletshi Jandarbek Málibekuly 80 jasqa tolyp otyrǵanyn atap ótti.
"Prezident Qasym-Jomart Toqaev Jandarbek Málibekulynyń mereitoiymen quttyqtap, jyly lebizi men izgi tilegin jetkizdi. Memleket basshysy óz quttyqtaýynda Eltańba avtorynyń Táýelsiz Qazaqstan men elordany qurý jáne damytý isindegi sińirgen eńbegin atap ótip, oǵan zor densaýlyq, shyǵarmashylyq shabyt jáne otbasyna baq-bereke tiledi", - delingen habarlamada.
Aita keteiik, Naýryz meiramy qarsańynda Qasym-Jomart Toqaev Jandarbek Málibekulyn I dárejeli "Barys" ordenimen marapattaǵan bolatyn.
