Álemdik jáne dástúrli dinder kóshbasshylarynyń VII sezi aiasynda Qazaqstan Prezidenti Resei musylmandary dini basqarmasynyń tóraǵasy Ravil Gainýtdinmen jáne Tatarstan musylmandary dini basqarmasynyń tóraǵasy Kamil Samigýllinmen kezdesý ótkizdi, dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysy Sezdiń biik maqsattary men mindetterin ilgeriletýge belsene atsalysqany úshin olarǵa rizashylyǵyn bildirdi.
Qasym-Jomart Toqaev biyl aqpan aiynda óziniń Tatarstanǵa saparyn eske aldy jáne olardy Edil Bulǵariiasynyń islamdy qabyldaǵanyna 1100 jyl tolýymen quttyqtady. Onyń aitýynsha, bul tarihi oqiǵanyń Tatarstan musylmandary jamaǵaty men Reseidiń barsha kópkonfessiialy halqy úshin mańyzy zor.
Prezident VII sezdiń kúrdeli kezeńde ótip jatqanyn atap ótip, halyqaralyq qoǵamdastyqty biriktirý úshin konfessiiaaralyq dialogty nyǵaitý mańyzdy ekenin aitty.
Ravil Gainýtdinov pen Kamil Samigýllin kezdesý ótkizgeni úshin Qasym-Jomart Toqaevqa alǵys aityp, VII sezdiń uiymdastyrylý deńgeiin joǵary baǵalady.
