Pýsanda Qazaqstannyń Bas konsýldyǵy ashylady, dep habarlaidy "Ult aqparat" Prezidenttiń baspasóz hatshysy Berik Ýálige silteme jasap.
«Memleket basshysy Qasym-Jomart Toqaev eki memlekettiń yqpaldastyǵyna tyń serpin berý úshin Pýsanda Qazaqstannyń Bas konsýldyǵyn ashý týraly sheshim qabyldanǵanyn málimdedi», delingen habarlamada.
Eske sala ketsek, 16 tamyzda Qazaqstan Prezidenti Qasym-Jomart Toqaev Koreia Respýblikasyna memlekettik saparmen bardy.
Qasym-Jomart Toqaev sol eldiń Prezidenti Mýn Chje Inmen kelissóz júrgizdi. Keiin eki eldiń Prezidentteri BAQ ókilderi úshin brifing ótkizdi.
«Qazaqstan Koreiamen seriktestikti jan-jaqty damytýǵa basa mán beredi. Biz ózara tiimdi áriptestikti joǵary baǵalaimyz», - dedi Qasym-Jomart Toqaev.
QR Prezidenti Ońtústik Koreianyń iri kompaniialarynyń basshylarymen – «Samsung Electronics» kompaniiasynyń prezidenti In Iong Li jáne «Doosan Heavy Industries & Construction» prezidenti Iong Ing Chongpen ekijaqty kezdesýler ótkizdi.
Sondai-aq, Memleket basshysy Seýldaǵy Kiber ýniversitettiń aýmaǵynda ornatylǵan uly aqyn Abai biýstiniń ashylý rásimine qatysty.
