Aiyptaý aktilerin daiarlaý boiynsha prokýrorlar quzyretin kezeń-kezeńmen keńeitý kerek. Bul týraly Memleket basshysy Qasym-Jomart Toqaev Qazaqstan halqyna arnalǵan Joldaýyn jariialaý kezinde málim etti, dep habarlaidy QazAqparat.
«Aiyptaý aktilerin daiarlaý boiynsha prokýrorlar quzyretin kezeń-kezeńmen keńeitý kerek. Bul óz kezeginde olardyń jaýapkershiligi arttyryp, tergeý nátejesin quqyqtyq baǵalaý tetigin kúsheitedi», - dedi Memleket basshysy.
Prezident ishki ister organdary birqatar beiindi emes qyzmetterden bosatylǵanyn eske saldy.
«Ýchaskelik inspektorlar mártebesi artty, olarǵa quqyqbuzýshylyqtyń aldyn alý salasynda qosymsha ókilettik berildi. Birqatar óńirde politsiianyń servistik modeli iske qosyldy. Kelesi kezeń – ony taratý deńgeiin aýqymdy etý», - dedi Qasym-Jomart Toqaev.
