QR Prezidenti Ókimimen Arystaǵy jarylysqa jol bergen burynǵy Qorǵanys ministri Qarýly kúshter quramynan shyǵarylyp, úsh joǵary áskeri laýazymdy tulǵaǵa qatań sógis jariialandy, dep habarlaidy "Ult aqparat" Aqordaǵa silteme jasap.
Memleket basshysynyń Ókimimen ózine júktelgen mindetterdi tiisti deńgeide oryndamaǵany jáne qarý-jaraq pen oq-dárilerdiń qaýipsizdigin jáne saqtalýyn qamtamasyz etý jumysyndaǵy, Qarý-jaraq pen oq-dárilerdi saqtaý obektilerin kóshirý jáne ornalastyrý baǵdarlamasyn iske asyrý kezindegi eleýli kemshilikteri, sonyń saldarynan Arys qalasynda ornalasqan áskeri bólimshedegi qarý-jaraqtyń jarylýyna jáne qalada adam shyǵynyna ushyratqan aýqymdy apatqa jol bergeni úshin:
1. Qazaqstan Respýblikasy Qorǵanys ministri bolyp qyzmet atqarǵan Sáken Ádilhanuly Jasuzaqov Qazaqstan Respýblikasynyń Qarýly Kúshteri júiesinen shyǵaryldy.
2. Kelesi laýazymdy qyzmetkerlerge:
Qazaqstan Respýblikasy Qorǵanys ministriniń birinshi
orynbasary – Qazaqstan Respýblikasy Qarýly Kúshteri Bas shtabynyń bastyǵy Murat Káribaiuly Bektanovqa;Qazaqstan Respýblikasy Qorǵanys ministriniń birinshi
orynbasary – Qazaqstan Respýblikasy Qarýly Kúshteri Bas shtabynyń bastyǵy bolyp qyzmet atqarǵan Murat Jáleluly Maikeevke;Qazaqstan Respýblikasy Qorǵanys ministriniń orynbasary bolyp qyzmet atqarǵan Talǵat Jeńisuly Janjúmenovke qatań sógis jariialandy.
