Memleket basshysy Nur-Sultan qalasynyń ákimi Altai Kólginovti qabyldady, - dep habarlaidy "Ult aqparat" Aqorda saityna silteme jasap.
Qasym-Jomart Toqaevqa Nur-Sultan qalasynyń áleýmettik-ekonomikalyq jáne infraqurylymdyq damýy týraly baiandaldy.
Prezidentke kezekte turǵan elordalyqtardy qoljetimdi baspanamen qamtý, úsh aýysymda oqytý máselesin sheshý, investitsiia tartý, áleýmettik mańyzy bar azyq-túlik baǵasyn turaqtandyrý jáne "halyq únine qulaq asatyn memleket" tujyrymdamasy aiasynda kúsheitilgen keri bailanys týraly aityldy. Qala ákiminiń aitýynsha, biyl 10 myń áleýmettik páter salynady. Bul kórsetkish ótken jyldarmen salystyrǵanda edáýir artqan. Mysaly, 2020 jyly – 7 myń, 2019 jyly – 2900, 2018 jyly 1800 áleýmettik páter paidalanýǵa berilgen. Sonymen qatar, biyl 40 myń oqýshyǵa arnalǵan 15 mektep ǵimaraty paidalanýǵa berilgen.
Memleket basshysyna qaladaǵy aiaqtalǵan úlestik qurylystardy gazben qamtý, qala shetindegi eldi mekenderdi damytý, tsifrlandyrý, abattandyrý jumystarynyń qorytyndysy týraly aityldy.
Altai Kólginov qaladaǵy epidemiologiialyq jaǵdaidy turaqtandyrý sharalary men ekpe alý boiynsha esep berdi.
Qasym-Jomart Toqaev Altai Kólginovke elordany odan ári damytýǵa, sonyń ishinde gazben qamtýǵa, investitsiia tartýǵa, úlestik qurylysqa qatysty máselelerdi sheshýge jáne jylytý maýsymynda qazandyqtardyń úzdiksiz jumys isteýine qatysty birqatar tapsyrma berdi.
