Illiýstrativnoe foto: anna-news.info
Prezident Qasym-Jomart Toqaev Úkimetke Mańǵystaý oblysynda jastardyń munai salasynan basqa kásipti igerýine jaǵdai jasaýdy tapsyrdy, dep habarlaidy "Ult aqparat" Aqordanyń baspasóz qyzmetine silteme jasap.
«Jańaózende bolǵan jarylystyń saldaryn joiý jumystaryn tez arada bitirý qajet. Jalpy, Jańaózen – munai-gaz salasyna ǵana qarap otyrǵan monoqala. Sol sebepti biz ony damytý úshin arnaiy keshendi jospar qabyldadyq. Osy qujatty meilinshe júzege asyrý kerek. Úkimet te bul jumysqa jaýapty bolady.
Batysta, ásirese, Mańǵystaýda, jastar kóbine munaishy bolǵysy keledi. Bul – durys emes. Munai qory taýsylǵanda aimaqtaǵy ahýal tipti kúrdeli bolyp ketýi múmkin. Sondyqtan jastardyń basqa da kásipterdi igerýine jaǵdai jasaýymyz kerek. Bul jumysty arnaiy jospar boiynsha atqarý qajet.
Mysaly, búgingi zamannyń ózekti salasy – aqparattyq tehnologiialar. Osyndai tehnologiialardy Mańǵystaý oblysyn damytý isinde qoldanýǵa bolady. Jalpy, biz kózi ashyq, bilimdi jastardy tárbieleýimiz kerek. Óskeleń urpaq keleshekke senimmen qaraýy qajet. Bul úlken jumys. Bul ákimniń, Úkimettiń quzyrynda turaqty túrde bolý kerek» - dedi Memleket basshysy elimizdiń áleýmettik-ekonomikalyq damý máseleleri jónindegi keńeitilgen keńeste.
