Memleket basshysy Mádeniet jáne sport ministri Dáýren Abaevty qabyldady, dep habarlaidy "Ult aqparat" Aqordanyń resmi saityna silteme jasap.
Qasym-Jomart Toqaevqa ministr ózi jetekshilik etetin barlyq salada atqarylyp jatqan jumystar týraly baiandady.
Dáýren Abaev azamattardyń jekelegen sanattarynyń kirisin arttyrý sharalary týraly aitty. Atap aitqanda biyl mádeniet, óner jáne sport mekemeleri qyzmetkerleriniń jalaqysy ósken. Ministrlik Memleket basshysynyń tiisti tapsyrmalaryn oryndaý boiynsha jumysty jalǵastyrady.
Mádeniet jáne sport ministri kitap shyǵarý salasyndaǵy jaǵdai týraly baiandady. Qazir negizgi kúsh baspa ónimderiniń, sonyń ishinde balalar ádebietiniń básekege qabiletin arttyrýǵa, sondai-aq jazýshylardy qoldaýǵa baǵyttalǵan. Sonymen qatar Prezidentke muraǵat qoimalaryn jańǵyrtý men tsifrlandyrý jaiy aityldy.
Qazaqstandyq sportshylardyń halyqaralyq iri jarystarǵa, 2024 jyly ótetin Olimpiada oiyndaryna daiyndyq máselesi de jeke qarastyryldy.
Memleket basshysy ministrlikke buqaralyq jáne balalar sportyn damytý, ulttyq mádenietti keńinen nasihattaý jóninde birqatar mindet júktedi.
Sonymen qatar Qasym-Jomart Toqaev týristik infraqurylymdy damytý men sheteldik investorlardy tartý jáne birlesken týristik jobalardy iske qosý úshin qajetti jaǵdai jasaýdyń mańyzdy ekenin atap ótti.
