Aqordada ótken jedel áreket etý shtabynyń otyrysynda Memleket basshysy Qasym-Jomart Toqaev Prezident laýazym ieleri men memqyzmetshilerge shetelge issaparǵa shyǵýǵa tyiym saldy, dep habarlaidy "Ult aqparat" Aqordanyń resmi saityna silteme jasap.
«Memleket pen qaýipsizdikti qamtamasyz etýge baǵyttalǵan saparlardy sanamaǵanda memlekettik qyzmetshiler men laýazymdy tulǵalarǵa shetelge qyzmettik issaparǵa shyǵýǵa tyiyp salynady», - delingen Aqordanyń resmi saitynda.
Qasym-Jomart Toqaevtyń paiymdaýynsha, biýdjettiń shyǵynǵa shyǵatyn bóligin jumys oryndaryn ashýǵa, shaǵyn jáne orta biznesti qoldaýǵa baǵyttaǵan jón. Osy rette Úkimetke taýarlardy, jumystar men qyzmetterdi eń aldymen otandyq óndirýshilerden tikelei ári ashyq túrde satyp alý júiesine ótý mindeti júktelip otyr.
