Memleket basshysy Qasym-Jomart Toqaev Qurban aitta infektsiialyq qaýipsizdikti barynsha qamtamasyz etýdi tapsyrdy, dep habarlaidy "Ult aqparat".
«Erteń búkil musylman qaýymy úshin qasietti Qurban ait merekesi bastalady. Elde kúrdeli ahýal qalyptasyp otyr. Sondyqtan biz jurttyń qurbandyq shalatyn jerlerde jappai jinalýyn boldyrmaýymyz kerek. Jaǵdaidy odan beter ýshyqtyryp alýymyz múmkin. Úkimet pen ákimder osy máseleni erekshe baqylaýda ustaýǵa tiis. Qurban aitta infektsiialyq qaýipsizdikti barynsha qamtamasyz etý qajet», - dedi Qasym-Jomart Toqaev elimizdegi epidemiologiialyq ahýal jóninde keńeste.
