Foto: Aqorda
Qasym-Jomart Toqaev Qýanysh Sultanovty seksen jasqa tolǵan mereitoiymen quttyqtap, qairatkerdiń elimizdi damytýǵa qosqan úlesin erekshe atap ótti, dep habarlaidy Ult.kz.
"Táýelsizdiktiń alǵashqy kúnderinen bastap el isine belsene atsalystyńyz. Memlekettigimizdiń tuǵyryn nyǵaitý jolynda eńbek ettińiz. Ministr, keiin Premer-ministrdiń orynbasary boldyńyz. Diplomatiialyq qyzmette elimizdiń qaýipsizdigin nyǵaitýǵa zor úles qostyńyz. Qytai Halyq Respýblikasynda Tótenshe jáne ókiletti elshi boldyńyz, sondai-aq Mońǵoliia, Vetnam jáne Soltústik Koreia elderimen qarym-qatynasty damytý úshin tabandy jumys istedińiz. Siz elimizde parlamentarizm institýtyn damytýǵa mol úles qostyńyz. Joǵary Keńeste depýtat, Tóraǵanyń orynbasary boldyńyz. Odan keiin úsh ret Senattyń, eki ret Májilistiń depýtaty retinde zań shyǵarý isiniń bel ortasynda júrdińiz. Ózekti máselelerdi qozǵadyńyz. Qazir de qoǵamdyq jumystan qol úzgen joqsyz. Sizdiń qajyr-qairatyńyz, memleketshil bolmysyńyz, adamgershiligińiz jastarǵa úlgi-ónege bolady dep oilaimyn", – dedi Prezident.
Qasym-Jomart Toqaev Qýanysh Sultanovtyń jazýshylyq qyryna toqtalyp, elimizdegi saiasi jáne qoǵamdyq úderister jaiynda kóptegen eńbek jazǵanyna nazar aýdardy.
Qýanysh Sultanov eldiń igiligi úshin jasaǵan eńbegin elep, eń joǵary memlekettik nagradanyń biri – «Otan» ordenine laiyq kórgeni úshin Prezidentke alǵys aitty.
