Prezident Dinmuhamed Qonaev eskertkishi janynda oblys turǵyndarymen júzdesti, dep habarlaidy "Ult aqparat" Aqordanyń resmi saityna silteme jasap.
Memleket basshysy Almaty oblysy jurtshylyǵymen kezdesýden keiin Dinmuhamed Qonaev eskertkishi janyndaǵy alleiada qalanyń qalyptasýyna úles qosqan eńbek ardagerlerimen, respýblikaǵa, oblysqa tanymal sportshylarmen júzdesti.
Qalanyń qurmetti azamaty, eńbek ardageri Aleksandr Chjen qalaǵa Qonaevtyń esimin bergeni úshin Prezidentke alǵys aitty.
«Ogni Alataý» gazetiniń burynǵy jýrnalisi, jazýshy Vladimir Taran Prezident Qasym-Jomart Toqaevqa Qapshaǵai qalasy týraly ózi jazǵan «Solnechnyi gorod. Stranitsy istorii» kitabyn syiǵa tartty.
Sonymen qatar ulttyq sportty dáripteýshi Timýr Sypataev «Qazaq eliniń birligi, yntymaǵy osy shegedei myqty bolsyn» degen tilekpen temirden túiin túiip, Prezidentke tartý etti.
Prezident Almaty oblysynyń ortalyǵyn Qonaev qalasyna kóshirý týraly sheshimi óńirdi órkendetý úshin mańyzdy qadam bolǵanyn atap ótip, endi qala odan ári qarqyndy damitynyna senim bildirdi.
Sonymen qatar Prezident alleia boiymen júrip ótip, balalarymen birge serýendep júrgen otbasylarmen áńgimelesti.
Turǵyndar Qonaev qalasy Almaty oblysynyń ortalyǵyna ainalǵaly beri shahardyń shyraiy kire bastaǵanyn jetkizdi.
