پرەزيدەنت دٸنمۇحامەد قوناەۆ ەسكەرتكٸشٸ جانىندا وبلىس تۇرعىندارىمەن جٷزدەستٸ, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
مەملەكەت باسشىسى الماتى وبلىسى جۇرتشىلىعىمەن كەزدەسۋدەن كەيٸن دٸنمۇحامەد قوناەۆ ەسكەرتكٸشٸ جانىنداعى اللەيادا قالانىڭ قالىپتاسۋىنا ٷلەس قوسقان ەڭبەك ارداگەرلەرٸمەن, رەسپۋبليكاعا, وبلىسقا تانىمال سپورتشىلارمەن جٷزدەستٸ.
قالانىڭ قۇرمەتتٸ ازاماتى, ەڭبەك ارداگەرٸ الەكساندر چجەن قالاعا قوناەۆتىڭ ەسٸمٸن بەرگەنٸ ٷشٸن پرەزيدەنتكە العىس ايتتى.
«وگني الاتاۋ» گازەتٸنٸڭ بۇرىنعى جۋرناليسٸ, جازۋشى ۆلاديمير تاران پرەزيدەنت قاسىم-جومارت توقاەۆقا قاپشاعاي قالاسى تۋرالى ٶزٸ جازعان «سولنەچنىي گورود. سترانيتسى يستوريي» كٸتابىن سىيعا تارتتى.
سونىمەن قاتار ۇلتتىق سپورتتى دەرٸپتەۋشٸ تيمۋر سىپاتاەۆ «قازاق ەلٸنٸڭ بٸرلٸگٸ, ىنتىماعى وسى شەگەدەي مىقتى بولسىن» دەگەن تٸلەكپەن تەمٸردەن تٷيٸن تٷيٸپ, پرەزيدەنتكە تارتۋ ەتتٸ.
پرەزيدەنت الماتى وبلىسىنىڭ ورتالىعىن قوناەۆ قالاسىنا كٶشٸرۋ تۋرالى شەشٸمٸ ٶڭٸردٸ ٶركەندەتۋ ٷشٸن ماڭىزدى قادام بولعانىن اتاپ ٶتٸپ, ەندٸ قالا ودان ەرٸ قارقىندى داميتىنىنا سەنٸم بٸلدٸردٸ.
سونىمەن قاتار پرەزيدەنت اللەيا بويىمەن جٷرٸپ ٶتٸپ, بالالارىمەن بٸرگە سەرۋەندەپ جٷرگەن وتباسىلارمەن ەڭگٸمەلەستٸ.
تۇرعىندار قوناەۆ قالاسى الماتى وبلىسىنىڭ ورتالىعىنا اينالعالى بەرٸ شاھاردىڭ شىرايى كٸرە باستاعانىن جەتكٸزدٸ.
