Qazaqstan Prezidentiniń kómekshisi Murat Nurtileýov birqatar Eýropa elderindegi diplomatiialyq missiialardy qaita qurýǵa qatysty pikir bildirdi.
Memleket basshysy Qasym-Jomart Toqaev óziniń ulyqtaý rásiminde sóilegen sózinde kópvektorly syrtqy saiasattyń «elimizge, ulttyq bizneske, ár azamatymyzǵa naqty paidasyn tigizýi tiis» ekenin aitty.
Murat Nurtileýovtiń pikirinshe, otandyq diplomatiialyq qyzmet álemniń kez kelgen jerinde ulttyq múddemizdi nyq qorǵaýy tiis. Bul rette, saiasi pragmatizm men ekonomikalyq maqsatqa negizdelgen tiisti basymdyqtardy anyqtaýdyń mańyzy asa zor.
«Qazaqstan Respýblikasynyń syrtqy saiasatynda eýropalyq elderdiń alatyn orny airyqsha. Qazaqstan men Eýroodaq arasyndaǵy Yntymaqtastyqty keńeitý týraly kelisimdi iske asyrý úshin eýropalyq tarappen júieli jumys isteýimiz qajet. Eýroodaqtyń Ortalyq Aziia boiynsha biylǵy maýsymda qabyldaǵan jańartylǵan strategiiasy seriktestikti nyǵaitý úshin tyń múmkindikterge jol ashady», - dedi Prezident kómekshisi.
Sondai-aq, ol Eýropalyq odaq Qazaqstannyń iri saýda-ekonomikalyq jáne investitsiialyq seriktesi ekenin atap ótti. Onyń aitýynsha, elimizdiń syrtqy saýda ainalymynyń jáne Qazaqstan ekonomikasyna tartylǵan tikelei sheteldik investitsiianyń jartysy Eýropalyq odaq memleketterine tiesili.
«Osyǵan bailanysty, Qazaqstannyń Bolgariia, Latviia, Portýgaliia, Serbiia, Slovakiia jáne Estoniia elderindegi diplomatiialyq missiialarǵa tolyqqandy elshilik mártebesin berý – Eýropa memleketterimen ózara is-qimyldardy tereńdetýge baǵyttalǵan mańyzdy qadam», - dep atap ótti Murat Nurtileýov.
Qazirgi ýaqytqa deiin osy elderde bizdiń dipmissiialarymyz ben konsýldyqtarymyz ǵana jumys istedi. Bul atalǵan memlekettermen ózara yntymaqtastyqty qarqyndy damytýǵa tolyq múmkindik bermedi.
«Joǵaryda kórsetilgen memleketterdiń elshilikteri Qazaqstanda tiisti deńgeide jumys isteýde. Osyǵan orai, bizdiń seriktesterimiz Nur-Sultan tarapynan laiyqty qadam jasalatynyna senim bildirgenderin atap ótý qajet», - dep aitty ol.
Prezident kómekshisiniń sózinshe, aýqymy jaǵynan shaǵyn elshilikterimizdi qarjylandyrý máselesi jumys istep turǵan diplomatiialyq missiialardyń biýdjeti sheńberinde qarastyrylǵan.
«Bul – álemdik tájiribede bar tásil, iaǵni memleketter diplomatiialyq ókildikterdiń yqsham, kásibi, tiimdi quramy negizinde sapaly, ári nátijeli qyzmetke basa nazar aýdarady. Qazaqstan prezidentiniń SIM usynysy boiynsha qol qoiǵan Jarlyǵy Eýropalyq Odaqtyń mańyzdy seriktesterimen qarym-qatynastardy damytýǵa tyń serpin berý úshin qajetti ári oryndy sheshim boldy», - dedi Prezident kómekshisi.
Onyń aitýynsha, atalǵan bastama memleketimizdiń syrtqy saiasi jáne syrtqy ekonomikalyq qyzmetin ártaraptandyrýǵa arnalǵan mindetterdi júzege asyrýdy kózdeidi.
