Aqordada ótip jatqan Úkimettiń keńeitilgen otyrysynda Nursultan Nazarbaev keshegi aýys-túiisterdiń sebebin túsindirdi, dep habarlaidy "Ult aqparat".
«Úkimette bolyp jatqan ózgeristerdi estip-bilip otyrsyzdar. Onyń óziniń logikasy bar. Birinshiden, qaýipsizdik máselesi jaǵyn kúsheitý, nyǵaitý, deńgeiin kóterý máselesi bar. Odan keiin Kárim Másimovty óziniń kelisimi boiynsha qajetti jerge baryp otyr. Bul qazir óte qajetti bolyp turǵanyn kórip otyrsyzdar. Terrorizm, basqa jaǵy da bar. Tájiribesi bar, respýblikanyń jaǵdaiyn biledi dep qoidym», - dedi N.Nazarbaev.
Memleket basshysy atap ótkendei, Premer-ministrdiń bosatylýyna bailanysty Úkimet qazir otstavkaǵa ketti.
«Kóp sozbai, bárin sheshetin bolamyz. Jańa basshylar, jańa ministrler bolady. Degenmen kóp ózgerister bola qoimas dep sanaimyn. Sebebi Úkimet óz jumysyn qiyn-qystaý jaǵdaida oryndap jatyr. Búgin jyldyń aiaǵyna deiin ne isteitinimizdi kelisip alaiyq», - dedi Elbasy.
Eske sala keteiik, keshe ministrler kabinetine jetekshilik etken Kárim Másimov QR Ulttyq qaýipsizdik komitetiniń tóraǵasy qyzmetine taǵaiyndaldy. QR Premer-Ministriniń mindetterin ýaqytsha atqarý Baqytjan Saǵyntaevqa júkteldi. Memleket basshysynyń Ókimimen QR UQK-niń burynǵy basshysy Vladimir Jumaqanov Qazaqstan Prezidentiniń keńesshisi qyzmetin atqaratyn boldy.
.jpeg)