Foto: Aqorda
Memleket basshysy QHR-dyń Qazaqstandaǵy jańadan taǵaiyndalǵan elshisi Han Chýnlindi qabyldady, dep habarlaidy Ult.kz.
Prezidenttiń aitýynsha, Qazaqstan Qytai Halyq Respýblikasymen jan-jaqty strategiialyq yntymaqtastyqty odan ári tereńdetýge airyqsha mán beredi.
Qasym-Jomart Toqaev Han Chýnlinniń diplomatiialyq missiiasy ekijaqty qarym-qatynastar qarqyndy damyǵan kezeńge tuspa-tus kelgenin atap ótip, Qazaqstan tarapynyń Qytaimen ózara yqpaldastyqtyń barlyq baǵytyna tyń serpin berýge daiyn ekenine toqtaldy.
Han Chýnlin QHR Tóraǵasy Si Tszinpinniń sálemi men yqylasyn jetkizip, eki el arasyndaǵy máńgi strategiialyq seriktestik joǵary deńgeidegi belsendi saiasi dialogtyń arqasynda buryn-sońdy bolmaǵan dárejege kóterilgenine nazar aýdardy. Sondai-aq elshi Qytai men Qazaqstannyń san qyrly bailanysyn odan ári nyǵaitýǵa jáne ózara yntymaqtastyqtyń joǵary dinamikasyn saqtaýǵa bar kúsh-jigerin jumsaitynyna sendirdi.
Kezdesý barysynda ekijaqty kún tártibiniń negizgi máseleleri, sonyń ishinde saýda-ekonomikalyq, investitsiialyq jáne mádeni-gýmanitarlyq salalardaǵy yqpaldastyqty damytý perspektivalary talqylandy.
