Memleket basshysy Qasym-Jomart Toqaevtyń keńesshisi Erlan Qarin Almaty ataýyn ózgertýge qatysty bastamaǵa pikir bildirdi, – dep habarlaidy «Ult aqparat».
«Oljas Súleimenov ońtústik astananyń atyn ózgertý kerektigin baiaǵydan aityp keledi. Alaida onyń Prezidentpen kezdesý barysynda bul máseleni qaita kóterýi – Memleket basshysynyń bul bastamany qoldaitynyn bildirmeidi. Prezident Almatyny damytýdyń mańyzdy máselelerine nazar aýdarý kerek dep esepteidi. Ol týraly Prezident osy jyldyń 29 qazanynda qala aktivimen kezdesý kezinde aitqan edi. Memleket basshysy mundai máseleler kabinette ǵana emes, qala turǵyndarynyń basym kópshiliginiń ustanymy negizinde, azamattardyń oiyn bilip baryp sheshilýi kerek dep esepteidi» dep jazdy Erlan Qarin Telegram paraqshasynda.
Aita ketsek, buǵan deiin birqatar BAQ-ta Oljas Súleimenovtiń Prezidentpen kezdeskeni, kezdesýde «Almatynyń ataýyn Alma-Ata dep ózgertý bastamasyn Prezident qoldady» degen syńaida aqparat taraǵan bolatyn.
