مەملەكەت باسشىسى قاسىم-جومارت توقاەۆتىڭ كەڭەسشٸسٸ ەرلان قارين الماتى اتاۋىن ٶزگەرتۋگە قاتىستى باستاماعا پٸكٸر بٸلدٸردٸ, – دەپ حابارلايدى «ۇلت اقپارات».
«ولجاس سٷلەيمەنوۆ وڭتٷستٸك استانانىڭ اتىن ٶزگەرتۋ كەرەكتٸگٸن باياعىدان ايتىپ كەلەدٸ. الايدا ونىڭ پرەزيدەنتپەن كەزدەسۋ بارىسىندا بۇل مەسەلەنٸ قايتا كٶتەرۋٸ – مەملەكەت باسشىسىنىڭ بۇل باستامانى قولدايتىنىن بٸلدٸرمەيدٸ. پرەزيدەنت الماتىنى دامىتۋدىڭ ماڭىزدى مەسەلەلەرٸنە نازار اۋدارۋ كەرەك دەپ ەسەپتەيدٸ. ول تۋرالى پرەزيدەنت وسى جىلدىڭ 29 قازانىندا قالا اكتيۆٸمەن كەزدەسۋ كەزٸندە ايتقان ەدٸ. مەملەكەت باسشىسى مۇنداي مەسەلەلەر كابينەتتە عانا ەمەس, قالا تۇرعىندارىنىڭ باسىم كٶپشٸلٸگٸنٸڭ ۇستانىمى نەگٸزٸندە, ازاماتتاردىڭ ويىن بٸلٸپ بارىپ شەشٸلۋٸ كەرەك دەپ ەسەپتەيدٸ» دەپ جازدى ەرلان قارين Telegram پاراقشاسىندا.
ايتا كەتسەك, بۇعان دەيٸن بٸرقاتار باق-تا ولجاس سٷلەيمەنوۆتٸڭ پرەزيدەنتپەن كەزدەسكەنٸ, كەزدەسۋدە «الماتىنىڭ اتاۋىن الما-اتا دەپ ٶزگەرتۋ باستاماسىن پرەزيدەنت قولدادى» دەگەن سىڭايدا اقپارات تاراعان بولاتىن.
