Memleket basshysy Qasym-Jomart Toqaev Úkimettiń keńeitilgen otyrysynda kedendegi "bylyq" týraly aitty, - dep habarlaidy "Ult aqparat" Aqordanyń resmi saityna silteme jasap.
Prezidenttiń aitýynsha, keden beketterindegi qordalanǵan máselelerdi jedel sheshý qajet.
"Taǵy da qaitalap aitamyn: ondaǵy bylyqty jónge keltirmese, saldary qiyn bolýy múmkin. Qytaidyń statistikasy men bizdegi kórsetkishtiń aiyrmasy 5,7 milliard dollar bolýy - sonyń dáleli. Qazir Qytaimen aradaǵy keden beketinde 12 myńnan astam kólik elektron kezekte tur. Quzyrly ekonomikalyq operatorlardyń zańsyz is-áreketi týraly buǵan deiin de aittym. Olar kedennen jáne basqa da baqylaý organdarynan sonshama jeńildikti qalai alyp otyr? Ne sebepti bul másele nazardan tys qalǵan? Bul suraqtarǵa 10 kún ishinde naqty ári tolyq jaýap kútemin.
Osy salanyń qyzmetin zań boiynsha qatań retteý qajet. Jalpy, keden jáne logistika júiesine iri halyqaralyq kompaniialardy tartýdy oilastyrǵan jón. Olar qajetti tasymal kólemin jáne jumystyń ashyq ári esepti bolýyn qamtamasyz ete alady. Bul másele Úkimette talqylandy. Úkimetke ony taǵy da pysyqtap, maǵan baiandaýdy tapsyramyn", - dedi Toqaev.
