Memleket basshysy "Qazposhta" AQ basqarma tóraǵasy Ásel Janasovany qabyldady, - dep habarlaidy "Ult aqparat" Aqordanyń baspasóz qyzmetine silteme jasap.
Kezdesý barysynda Prezidentke ulttyq poshta operatorynyń damý strategiiasy tanystyryldy.
Ásel Janasovanyń aitýynsha, qarjylyq jaǵdaidy ońaltý, áleýmettik bankti damytý jáne qarjylyq qyzmetterdiń rólin kúsheitý, qoldanystaǵy infraqurylymdar bazasynda memlekettik qyzmetterdi usyný múmkindigin keńeitý, sondai-aq, elektron kommertsiia men halyqaralyq sálemdemelerge basa mán bere otyryp, dástúrli poshta biznesiniń tiimdiligin arttyrý "Qazposhta" jumysynyń basym baǵyttary bolady.
Sonymen qatar, Qasym-Jomart Toqaevqa bizneske aýyldyń árbir turǵynyna qyzmet kórsetý jáne taýar jetkizý múmkindigin berý úshin kompaniianyń infraqurylymyn, logistikalyq jáne bólimshelik jelisin damytýǵa qatysty jospary týraly málimet berildi.
Kezdesý aiaǵynda Memleket basshysy aimaqtardaǵy poshta operatory jumysynyń áleýmettik mańyzdylyǵyna nazar aýdaryp, bul baǵyttar jónindegi strategiiany júzege asyrý isin jalǵastyrýdy tapsyrdy.
