Memleket basshysynyń Jarlyǵymen Álim Serikuly Qirabaev Qazaqstan Respýblikasynyń Polsha Respýblikasyndaǵy Tótenshe jáne Ókiletti Elshisi qyzmetine taǵaiyndaldy. Bul týraly Aqordadan málim etti.
Álim Serikuly 1972 jyly 16 sáýirde Almaty qalasynda týǵan. Ál-Farabi atyndaǵy Qazaq memlekettik ulttyq ýniversitetin bitirdi (1994 j.), AQSh-ta taǵylymdama ótip (1993 j.), QR Prezidenti janyndaǵy Memlekettik basqarý akademiiasy Diplomatiia institýtynyń QR SIM qurylymdyq bólimsheleri basshylarynyń biliktiligin arttyrý kýrsynan ótti.
Diplomatiialyq qyzmetin 1997 jyly QR SIM Eýropa elderi basqarmasynyń referenti, keiinnen Kópjaqty yntymaqtastyq departamentiniń attashesi laýazymdarynan bastady.
1997-1999 jj. - Birinshi departamenttiń BUU jáne halyqaralyq ekonomikalyq uiymdar basqarmasynyń úshinshi hatshysy.
1999-2000 jj. - Halyqaralyq ekonomikalyq yntymaqtastyq departamentiniń ekinshi hatshysy.
2000 jyly Qazaqstannyń Egipettegi Elshiligine ekinshi hatshysy retinde jumysqa jiberildi.
2003 jyly Qazaqstanǵa oralǵannan keiin Eýropa jáne Amerika departamentiniń, QR SIM Apparatynyń, Halyqaralyq gýmanitarlyq jáne ekonomikalyq yntymaqtastyq departamentiniń keńesshisi qyzmetin atqarady.
2005-2006 jj. - Qazaqstan Respýblikasynyń Japoniiadaǵy Elshiliginiń birinshi hatshysy.
2006-2007 jj. - Aqparattyq-taldaý departamentiniń Aqparattyq-taldaý jumystary jáne boljamdyq baǵalaý basqarmasynyń bólim basshysy.
2007-2010 jj. – Amerika departamentiniń basqarma basshysy, keiinnen direktorynyń orynbasary.
2010 jyldan 2019 jylǵa deiin QR SIM Syrtqy saiasi taldaý jáne boljamdaý departamentiniń direktorynyń orynbasary jáne direktory qyzmetin atqardy.
Qazaqstannyń Polshadaǵy Elshisi laýazymyna taǵaiyndalǵanǵa deiin QR SIM Erekshe tapsyrmalar jónindegi Elshisi qyzmetin atqarǵan.
II synypty Tótenshe jáne Ókiletti Ýákil diplomatiialyq dárejesi bar. Aǵylshyn tilin meńgergen.
