Foto: ashyq derekkóz
Prezident Qasym-Jomart Toqaev Dýbaida ótken terrorizmge qarsy bólimsheler arasyndaǵy UAE SWAT Challenge-2026 halyqaralyq jarysynda joǵary nátije kórsetken qazaqstandyq komandalardy quttyqtady, dep habarlaidy Ult.kz.
Bedeldi týrnirde Kazakhstan C komandasy absoliýtti jeńimpaz atansa, Kazakhstan A komandasy jalpy esepte ekinshi oryndy ielendi.
Memleket basshysy Memlekettik kúzet qyzmeti, Ishki ister ministrligi jáne Ulttyq qaýipsizdik komiteti qyzmetkerlerinen quralǵan quramanyń kásibi, fizikalyq jáne jaýyngerlik daiyndyǵy joǵary deńgeide ekenin atap ótti. Sondai-aq sarbazdardyń otanshyl rýhy men jeńiske degen jigerine erekshe toqtaldy.
Prezident 48 elden 109 komanda qatysqan halyqaralyq jarysta el namysyn abyroimen qorǵaǵan arnaiy jasaq jaýyngerlerine tiisti qurmet kórsetiletinin málimdedi.
