Qazaqstandaǵy tynyshtyq pen turaqtylyq úshin, eń aldymen, el iesi – qazaq halqy jaýapty. Bul týraly Táýelsizdiktiń 30 jyldyǵyna arnalǵan saltanatty is-sharada QR Prezidenti Qasym-Jomart Toqaev aitty, dep habarlaidy QazAqparat agenttigi.
«Qazaqstandaǵy tynyshtyq pen turaqtylyq úshin, eń aldymen, el iesi – qazaq halqy jaýapty. Osyny jete túsinetin kez keldi. Biz árdaiym keńpeiil bolyp, ózge etnos ókilderine qamqorlyq tanytýymyz kerek. Sonda ǵana berekeli birligimizdi saqtap, tatý-tátti ómir súremiz», - dep atap ótti Memleket basshysy.
Sonymen qatar Prezident aldymyzda bolashaq ekonomikasyn jedel qalyptastyrý mindeti turǵanyn basa aitty.
«Jańa tehnologiialar, jasandy intellekt, joǵary eńbek ónimdiligi, shyǵarmashylyq bastamalar onyń negizine ainalady. Bul jumysta sheshýshi sóz jastardyń enshisinde», - dedi Qasym-Jomart Toqaev.
