قازاقستانداعى تىنىشتىق پەن تۇراقتىلىق ٷشٸن, ەڭ الدىمەن, ەل يەسٸ – قازاق حالقى جاۋاپتى. بۇل تۋرالى تەۋەلسٸزدٸكتٸڭ 30 جىلدىعىنا ارنالعان سالتاناتتى ٸس-شارادا قر پرەزيدەنتٸ قاسىم-جومارت توقاەۆ ايتتى, دەپ حابارلايدى قازاقپارات اگەنتتٸگٸ.
«قازاقستانداعى تىنىشتىق پەن تۇراقتىلىق ٷشٸن, ەڭ الدىمەن, ەل يەسٸ – قازاق حالقى جاۋاپتى. وسىنى جەتە تٷسٸنەتٸن كەز كەلدٸ. بٸز ەردايىم كەڭپەيٸل بولىپ, ٶزگە ەتنوس ٶكٸلدەرٸنە قامقورلىق تانىتۋىمىز كەرەك. سوندا عانا بەرەكەلٸ بٸرلٸگٸمٸزدٸ ساقتاپ, تاتۋ-تەتتٸ ٶمٸر سٷرەمٸز», - دەپ اتاپ ٶتتٸ مەملەكەت باسشىسى.
سونىمەن قاتار پرەزيدەنت الدىمىزدا بولاشاق ەكونوميكاسىن جەدەل قالىپتاستىرۋ مٸندەتٸ تۇرعانىن باسا ايتتى.
«جاڭا تەحنولوگييالار, جاساندى ينتەللەكت, جوعارى ەڭبەك ٶنٸمدٸلٸگٸ, شىعارماشىلىق باستامالار ونىڭ نەگٸزٸنە اينالادى. بۇل جۇمىستا شەشۋشٸ سٶز جاستاردىڭ ەنشٸسٸندە», - دەدٸ قاسىم-جومارت توقاەۆ.
