Prezident ultty saqtaý úshin bebi-býmdy qoldaýǵa shaqyrdy

Nursultan Nazarbaev Qazaqstanda bebi-býmdy qoldaýǵa shaqyrdy, - dep habarlaidy "Ult aqparat".

Qazaqstan Prezidentiniń aitýynsha, eger sábidiń dúniege kelý deńgeii tómen bolsa, kez kelgen ulttyń joiylý qaýpi bar. 

"Álemdik mamandar aitady, eger elde týý deńgeii 2,11 paiyzdan tómen bolsa, kez kelgen ult 25 jylda joq bolady. Al odan kóp bolsa, ol árine jaqsy. Sol sebepti de Qazaqstanda bebi-býmdy qoldap otyrý qajet. Bul árine eldegi ekonomikalyq jaǵdai men halyqtyń turmysyna bailanysty. Astana eýropalyq megapoliske ainalady, onyń turǵyny úsh millionnan asyp túsedi. Almaty da damýyn údete túsedi. Basqa da oblystar óz turǵyndaryn millionǵa jetkizedi, onda ǵylym men tehnologiia damyityn bolady. Bul álemdik tájiribe", - Memleket basshysy.

Osyǵan deiin "Men úkimetke kelesi jyly 2016 jylmen salystyrǵanda zeinetaqy mólsherin 20 paiyzǵa ósirýdi tapsyramyn. Bul 2,2 million qazaqstandyqty qamtýy tiis. Sonymen qatar, 2017 jyldyń 1 shildesinen bastap balanyń dúniege kelýine orai beriletin bir rettik járdemaqy mólsherin 20 paiyzǵa ósirýdi tapsyramyn, - dedi Nazarbaev. - Qazirgi ýaqytta bizdiń elde balalardyń dúniege kelýi óte joǵarǵy deńgeide. 55 paiyzǵa ósti, bul biz úshin óte jaqsy"