QR Prezidenti Qasym-Jomart Toqaev «Qaisar-2021»oqý-jattyǵý jiynyna qatysyp, el politsiiasynyń daiynyǵyna baǵa berdi. Bul týraly QR Ishki ister ministrliginiń resmi ókili Nurdildá Oraz málim etti, dep habarlaidy «QazAqparat» HAA tilshisi.
«Qaisar-2021» jedel-taktikalyq oqý-jattyǵýy Qazaqstan Respýblikasy IIM Ulttyq ulany bólimsheleriniń Almaty oblysyndaǵy jaýyngerlik jáne ádistemelik daiyndyq ortalyǵy bazasynda ótti. Ishki ister ministri ishki ister organdarynyń qoǵamdyq qaýipsizdikti qamtamasyz etý jónindegi mindetterdi oryndaýǵa ázirliginiń jai-kúii týraly baiandap, qoldanylatyn arnaiy, áskeri tehnika men qarý-jaraqtyń úlgilerin usyndy», - dedi resmi ókil.
Onyń atap ótýinshe, is-shara barysynda Memleket basshysyna jattyǵý júieleri, skalodrom, oqý ortalyǵynyń mýltimedia tiri, sondai-aq qyzmetkerlerdi arnaiy daiarlaý elementterimen kórneki qoiylymdar kórsetildi.
«Memleket basshysy Ishki ister ministrligi kúshteriniń daǵdarystyq jaǵdailardyń jolyn kesý jónindegi mindetterdi tiimdi sheshýge ázirligine oń baǵa berdi. Ol politsiia qyzmetkerleri men áskeri qyzmetshilerdiń biliktiligin arttyrý úshin ozyq halyqaralyq tájiribeni muqiiat zerttep, qoldaný qajettigin atap ótti», - dedi Nurdildá Oraz.
