QR Prezidenti Qasym-Jomart Toqaev Syrtqy ister ministrliginiń keńeitilgen alqa májilisinde Qazaqstan diplomatiiasynyń Eýraziia qurlyǵyndaǵy ornyn atady , dep habarlaidy QazAqparat.
«Qazaqstan diplomatiiasy kóptegen máselelerdi, tipti asa kúrdeli halyqaralyq túitkilderdiń ózin mámile arqyly sheshýge múddeli. Bul tájiribe jyldar boiy qalyptasqan jáne oń nátije kórsetken. Elimiz memleketaralyq jáne azamattyq qaqtyǵystardy retteý úshin bitimgerlik bastamalar usyny, ara aǵaiyn bolyp júr», - dedi Prezident.
Memleket basshysy Qazaqstannyń álemdik jáne dástúrli dinder kóshbasshylarynyń sezderin ótkizip, órkenietter úndestigin ornatýǵa kúsh salǵanyn eske saldy.
«Osynyń bárin sheteldik áriptesterimiz joǵary baǵalap, jan-jaqty qoldaý bildirýde. Atap aitqanda, 2010 jyly Eýropadaǵy qaýipsidik jáne yntymaqtastyq uiymyna tóraǵalyq ettik. Qazaqstan 2017-2018 jyldary BUU-nyń qaýipsizdik keńesiniń turaqty emes múshesi boldy.
Qazaqstan – Eýraziia qurlyǵyndaǵy kópjaqty qurylymdardyń negizin qalaýshy elderdiń biri. Elimiz TMD, Eýraziia ekonomikalyq odaǵy, Ujymdyq qaýipsizdik kelisimshart uiymy, Eýropadaǵy qaýipsizdik jáne yntymaqtastyq jónindegi uiym, Shanhai yntymaqtastyq uiymy, Islam yntymaqtastyq uiymy jáne basqa da qurylymdardyń jumysyn jandandyrýǵa belsene atsalysyp keledi», - dedi Prezident.
