Foto: Akorda.kz
Prezident Qasietti Taqtyń memlekettermen bailanys jónindegi Hatshysy Pol Richard Gallahermen kezdesti, - dep habarlaidy Aqordanyń baspasóz qyzmeti.
Qasietti Taqtyń Hatshysymen kezdesý barysynda Qasym-Jomart Toqaev Rim Papasy Frantsiskpen óte mazmundy ári nátijeli júzdesý bolǵanyn atap ótti.
Memleket basshysynyń aitýynsha, Vatikannyń dáiekti qoldaýynyń arqasynda Qazaqstan ótkizip jatqan Álemdik jáne dástúrli dinder kóshbasshylarynyń sezderi dini qaýymdar arasynda ózara túsinistik pen qurmetti nyǵaitatyn mańyzdy alańǵa ainaldy.
Prezident Katolik shirkeýi basshysynyń elimizge jasaǵan tarihi saparynyń beibitshilikti nasihattaý, birlikke shaqyrý turǵysynan simvoldyq máni bolǵanyn eske salyp, bul sapar tek Qazaqstandaǵy katolik qaýymynyń ǵana emes, óńirdegi basqa da din ókilderiniń arasynda keń qoldaý tapqanyn atap ótti.
Sonymen qatar Memleket basshysy elimizdiń Qasietti Taqpen bilim berý, densaýlyq saqtaý jáne klimattyń ózgerýine qarsy kúres salalary boiynsha ózara bailanysty nyǵaitýǵa airyqsha mán beretinin jetkizdi.
Qasym-Jomart Toqaev qazaqstandyq ǵalymdardyń Vatikan kitaphanasy men Apostol arhivindegi tarihi materialdardy tegin zertteýine múmkindik bergeni úshin arhiepiskop Pol Gallaherge rizashylyǵyn bildirdi. Sondai-aq Prezident Ana men bala ulttyq ǵylymi ortalyǵy jáne Vatikan Bambino Gesu pediatrlyq gospitali arasyndaǵy yntymaqtastyqty quptady.
Qasym-Jomart Toqaev Qazaqstannyń beibitshilikti, ózara qurmetti nyǵaitý úshin etnosaralyq jáne konfessiiaaralyq kelisimge beiildi ekenin taǵy da rastady.
Kezdesý sońynda Prezident Qasietti Taqtyń basshylyǵyn Astanadaǵy Álemdik jáne dástúrli dinder kóshbasshylarynyń kezekti sezine qatysýǵa shaqyrdy.
