Prezident Qasym-Jomart Toqaev Qarjylyq monitoring agenttiginiń tóraǵasy Janat Elimanovty qabyldady, dep habarlaidy Aqorda.
Qasym-Jomart Toqaevqa kóleńkeli ekonomikaǵa qarsy is-qimyldardy kúsheitý jóninde bergen tapsyrmalarynyń oryndalý barysy týraly esep berildi.
Janat Elimanovtyń aitýynsha, jyl basynan beri segiz uiymdasqan qylmystyq toptyń joly kesilgen, onyń ekeýi transulttyq top. Sondai-aq ol biýdjet qarjysyn jymqyrý derekteri boiynsha 14 milliard teńge kóleminde shyǵyn keltirgen 125 qylmystyq is qozǵalǵanyn jetkizdi.
Prezidentke Agenttiktiń qarjy piramidalarynyń jolyn kesý baǵytynda atqaryp jatqan jumystary týraly baiandaldy. Vedomstvo basshysynyń aitýynsha, búgingi tańda kúmándi is-áreketter boiynsha 21 material quqyq qorǵaý organdaryna joldanǵan.
Budan bólek Memleket basshysyna kásipkerlerdiń qylmystyq qýdalaýǵa túsýine jol bermeý úshin qabyldanyp jatqan sharalar jóninde málimet berildi. Janat Elimanov 2020 jyldyń qorytyndysy boiynsha ótken jyldarmen salystyrǵanda tirkelgen ekonomikalyq qylmystardyń sany alty esege azaiǵanyn aitty. Qylmystyq isterdi tekserý boiynsha kásipkerlerdi tergeýge shaqyrýlardyń sany eki esege, al tergep-tekserý merzimi 40 paiyzǵa qysqarǵan.
Qasym-Jomart Toqaev biznesin adal júrgizip otyrǵan kásipkerlerdiń qylmystyq qýdalaýǵa túsýine jol bermeý jóninde júieli sharalar qabyldaý qajettigine nazar aýdardy.
Kezdesý sońynda Prezident Qarjylyq monitoring agenttiginiń tóraǵasyna birqatar naqty tapsyrma berdi.
