پرەزيدەنت قاسىم-جومارت توقاەۆ قارجىلىق مونيتورينگ اگەنتتٸگٸنٸڭ تٶراعاسى جانات ەليمانوۆتى قابىلدادى, دەپ حابارلايدى اقوردا.
قاسىم-جومارت توقاەۆقا كٶلەڭكەلٸ ەكونوميكاعا قارسى ٸس-قيمىلداردى كٷشەيتۋ جٶنٸندە بەرگەن تاپسىرمالارىنىڭ ورىندالۋ بارىسى تۋرالى ەسەپ بەرٸلدٸ.
جانات ەليمانوۆتىڭ ايتۋىنشا, جىل باسىنان بەرٸ سەگٸز ۇيىمداسقان قىلمىستىق توپتىڭ جولى كەسٸلگەن, ونىڭ ەكەۋٸ ترانسۇلتتىق توپ. سونداي-اق ول بيۋدجەت قارجىسىن جىمقىرۋ دەرەكتەرٸ بويىنشا 14 ميلليارد تەڭگە كٶلەمٸندە شىعىن كەلتٸرگەن 125 قىلمىستىق ٸس قوزعالعانىن جەتكٸزدٸ.
پرەزيدەنتكە اگەنتتٸكتٸڭ قارجى پيراميدالارىنىڭ جولىن كەسۋ باعىتىندا اتقارىپ جاتقان جۇمىستارى تۋرالى باياندالدى. ۆەدومستۆو باسشىسىنىڭ ايتۋىنشا, بٷگٸنگٸ تاڭدا كٷمەندٸ ٸس-ەرەكەتتەر بويىنشا 21 ماتەريال قۇقىق قورعاۋ ورگاندارىنا جولدانعان.
بۇدان بٶلەك مەملەكەت باسشىسىنا كەسٸپكەرلەردٸڭ قىلمىستىق قۋدالاۋعا تٷسۋٸنە جول بەرمەۋ ٷشٸن قابىلدانىپ جاتقان شارالار جٶنٸندە مەلٸمەت بەرٸلدٸ. جانات ەليمانوۆ 2020 جىلدىڭ قورىتىندىسى بويىنشا ٶتكەن جىلدارمەن سالىستىرعاندا تٸركەلگەن ەكونوميكالىق قىلمىستاردىڭ سانى التى ەسەگە ازايعانىن ايتتى. قىلمىستىق ٸستەردٸ تەكسەرۋ بويىنشا كەسٸپكەرلەردٸ تەرگەۋگە شاقىرۋلاردىڭ سانى ەكٸ ەسەگە, ال تەرگەپ-تەكسەرۋ مەرزٸمٸ 40 پايىزعا قىسقارعان.
قاسىم-جومارت توقاەۆ بيزنەسٸن ادال جٷرگٸزٸپ وتىرعان كەسٸپكەرلەردٸڭ قىلمىستىق قۋدالاۋعا تٷسۋٸنە جول بەرمەۋ جٶنٸندە جٷيەلٸ شارالار قابىلداۋ قاجەتتٸگٸنە نازار اۋداردى.
كەزدەسۋ سوڭىندا پرەزيدەنت قارجىلىق مونيتورينگ اگەنتتٸگٸنٸڭ تٶراعاسىنا بٸرقاتار ناقتى تاپسىرما بەردٸ.
