Alaiaqtyq qylmystardyń kóbeiýine qatysty azamattar ádil narazylyq bildirýde. Bul týraly Memleket basshysy Qasym-Jomart Toqaev Qazaqstan halqyna arnalǵan Joldaýyn jariialaý kezinde málim etti, dep habarlaidy QazAqparat.
«Qylmyspen kúrestiń tájiribelik máselelerin nazardan tys qaldyrmaý kerek. Alaiaqtyq qylmystardyń kóbeiýine qatysty azamattar ádil narazylyq bildirýde», - dedi Prezident.
Memleket basshysynyń aitýynsha, Bas prokýratýra alaiaqtyq pen qarjy piramidalaryna qarsy is-qimyl boiynsha sharalar keshenin ázirleý kerek.
Sonymen qatar Prezident balalarǵa qatysty zorlyq-zombylyqqa tosqaýyl qoiý máselesi erekshe baqylaýda bolýy kerek ekenin qadap aitty.
«Bolashaq urpaqtyń amandyǵyna esirtkiniń taralýy jaǵdaiy qatty qater keltirip otyr, onyń ishinde sintietikalyq esirtkiniń qaýpi joǵary. Quqyq qorǵaý organdaryna osy esirtki atty páleniń el halqy arasynda taralýy jolyna qatań tosqaýyl qoiý tapsyrylady», - dedi Toqaev.
