QR Prezidenti Qasym-Jomart Toqaev Parlament Májilisiniń jalpy otyrysynda qoǵam estigisi kelgen, halyqqa qajetti mańyzdy málimdeme jasady. Bul týraly Ulttyq qoǵamdyq senim keńesiniń múshesi, saiasattanýshy Marat Báshimov aitty, dep habarlaidy QazAqparat.
«Búgin qoǵam Memleket basshysynyń erekshe nazar aýdarǵanyn estidi, kórdi. Birinshiden, adam quqyqtarynyń áleýetine nazar aýdaryldy. Barlyq salada azamattardyń konstitýtsiialyq quqyqtaryn qorǵaýdyń tiimdiligin aitty. Óitkeni Almatydaǵy sońǵy oqiǵalar adamnyń halyqaralyq terrorizmge qarsy qorǵansyz ekenin kórsetti. Sondyqtan onyń búgingi málimdemesi qarapaiym azamattardyń quqyqtaryn qorǵaýdy kúsheitýge negizdelgen. Bul quqyqtyq reforma, saiasi reforma, áleýmettik-ekonomikalyq aspektiler jáne taǵy basqalary», - dedi spiker.
Marat Báshimov Prezidenttiń «Adam memleket úshin emes, memleket adam úshin» degen sózin erekshe atap ótti.
«Bul jerde azamattardyń zańdylyqty saqtaýdaǵy jaýapkershiligin atap ótý qajet. Sondyqtan Memleket basshysynyń aitqan árbir sózi barlyq salada qarapaiym azamat quqyqtarynyń basymdyǵymen bailanysty ekenin kórsetti», - dedi Marat Báshimov.
