Ilia Jaqanov qazaq mádenietiniń tuǵyrly tulǵasy. Bul týraly búgin elimizdiń birqatar azamatyn memlekettik nagradamen marapattaý rásiminde QR Prezidenti Qasym-Jomart Toqaev aitty, dep habarlaidy QazAqparat.
«Meniń Jarlyǵymmen elimizdiń eń joǵary ataǵy asa qurmetti kompozitor, jazýshy, ónertanýshy Ilia Jaqanovqa beriledi. Ilia Jaqanov - qazaq mádenietiniń tuǵyrly tulǵasy. Onyń áýezdi ánderi, ádebi týyndylary jáne zerdeli zertteýleri ult rýhaniiatyna qosylǵan qundy qazyna. Ol halqymyzdyń rýhani bailyǵyn eselep, ulttyq mýzyka ónerin damytýǵa ólsheýsiz úles qosqany úshin Qazaqstannyń eńbek eri atandy», - dedi Qasym-Jomart Toqaev.
