Memleket basshysy Linde Group kompaniiasynyń vitse-prezidenti Oliver Pfanndy qabyldady, dep habarlaidy Aqorda.
Germaniianyń Linde Group kompaniiasynyń vitse-prezidentimen ótken kezdesýde gaz himiiasy salasyndaǵy investitsiialyq jobalardy júzege asyrýdyń perspektivalaryna mán berildi.
Memleket basshysy atalǵan kompaniianyń Qazaqstan ekonomikasynyń damýyna qosqan úlesin joǵary baǵalady. 2020 jyly Linde Group Temirtaý qalasynda ottegi, azot jáne argon óndirý jónindegi TMD boiynsha asa iri jobanyń ekinshi kezeńin iske asyrdy.
Prezidentke kompaniianyń Jańaózen qalasyndaǵy gaz óńdeý zaýytynyń qurylysyna qatysty jospary týraly málimet berildi.
Qasym-Jomart Toqaev Germaniiamen aradaǵy investitsiialyq yntymaqtastyqty damytýdyń strategiialyq mańyzy bar ekenin atap ótip, Linde Group kompaniiasyn elimizdiń gaz himiiasy baǵytyndaǵy jobalaryn júzege asyrýda jan-jaqty seriktestik ornatýǵa shaqyryp, memleket tarapynan sheteldik seriktesterge qoldaý kórsetiletinin aitty.
