Memleket basshysy Eýraziialyq Odaqtyń Ortalyq Aziia boiynsha arnaýly ókili Teri Hakalany qabyldady, dep habarlaidy "Ult aqparat" Aqordaǵa silteme jasap.
Qasym-Jomart Toqaev Teri Hakalany Eýraziialyq Odaqtyń Ortalyq Aziia boiynsha arnaýly ókili laýazymyna taǵaiyndalýymen quttyqtap, qyzmetine tabys tiledi.
Teri Hakala Qasym-Jomart Toqaevqa Eýraziialyq Keńestiń Prezidenti Sharl Misheldiń sálemin jetkizdi. Onda Keńes basshysynyń Qazaqstan Prezidentin osy jyldyń sońyna deiin Briýsselge shaqyratyny aitylǵan.
Memleket basshysy Qazaqstannyń Eýraziialyq Odaqpen ózara strategiialyq is-qimylyna oń baǵa berdi. 2020 jyldyń naýryz aiynda kúshine engen Keńeitilgen áriptestik jáne yntymaqtastyq jónindegi kelisim osy qatynastarǵa tyń serpin berdi.
– Biz Eýraziialyq Odaqpen qarqyndy saýda-ekonomikalyq jáne investitsiialyq bailanystardy joǵary baǵalaimyz. Qazaqstan – Eýraziialyq Odaqtyń Ortalyq Aziiadaǵy basty saýda seriktesi. 2020 jyldyń qorytyndysy boiynsha ekijaqty saýda ainalymy 24 milliard dollarǵa jýyqtady, – dedi Qazaqstan Prezidenti.
Memleket basshysy men Eýraziialyq Odaqtyń arnaýly ókili daǵdarystan keiingi kezeńde ózara is-qiyldyń baǵyttary ishinde jańartylatyn energetika, joǵary tehnologiialar, infraqurylym men densaýlyq saqtaý salalaryna erekshe basymdyq beriletinin atap ótti.
Halyqaralyq kún tártibin talqylaý barysynda Aýǵanstandaǵy jaǵdaiǵa erekshe mán berildi.
Qasym-Jomart Toqaev Aýǵanstanda kúrt ózgergen áskeri-saiasi jaǵdaiǵa bailanysty týyndap otyrǵan syn-qaterlerge alańdaýshylyq bildirdi. Prezidenttiń aitýynsha, bul jaǵdaidyń bar aýyrtpalyǵy qaqtyǵys aimaǵyna jaqyn ornalasqan – Ortalyq Aziia memleketterine sezilip otyr.
Taraptar Aýǵanstannyń barlyq aýmaǵynda jýyq arada jaǵdaidyń turaqtalyp, qoǵamdyq tártiptiń ornyǵýyna, adam quqyqtary men erkindiginiń saqtalýyna jáne Kabýldyń halyqaralyq áýejaiynan adamdardy kedergisiz kóshirýge qatysty pikirlerin bildirdi.
Qazaqstan Prezidenti men Arnaýly ókil Ortalyq Aziia elderi men Eýraziialyq Odaq arasyndaǵy qarym-qatynasta atalǵan máseleniń mańyzyn eskere otyryp, bailanystardy qoldaýǵa daiyn ekenderin naqtylady.
Teri Hakala Qazaqstannyń tóraǵalyǵymen Jenevada ótetin Dúniejúzilik saýda uiymy ministrleriniń konferentsiiasyn qoldaitynyn aitty.
Áńgimelesý barysynda Taraptar Ortalyq Aziia memleketteriniń ózara is-qimyldary men keleshegi, onyń ishinde Túrikmenstanda ótken Memleket basshylarynyń úshinshi konsýltativtik kezdesýiniń qorytyndysy boiynsha pikir almasty.
