Qazaqstan Prezidenti Almaty ákiminiń birinshi orynbasary Erlan Qojaǵapanovqa kóshetter Kóktóbede qalyp qoiǵany úshin sógis jariialady, dep habarlaidy "Ult aqparat".
«Aǵash – qalanyń da, búkil halyqtyń da nyǵmeti. Búitýge bolmaidy. Kóptegen kóshettiń Kóktóbeniń baýraiynda qaldyrylǵany eshbir syn kótermeidi. Qaiyrymdy istiń byt-shyty shyqty. Sondyqtan ákimniń birinshi orynbasary Erlan Qojaǵapanovqa sógis jariialaimyn. Isti bastadyń ba, bitirý kerek. Qolyńnan kelmeitin iske aralaspa», - dedi Qasym-Jomart Toqaev Almaty qalasyn damytý máseleleri jónindegi keńeste.
Buǵan deiin qala ákimi Baqytjan Saǵyntaev kóshetterdiń Kóktóbede qaldyrylǵany úshin qolastyndaǵylardy jazalaǵan bolatyn.
