Memleket basshysy elimizdegi koronavirýs indetine bailanysty epidemiologiialyq ahýal jónindegi keńeste sońǵy kezde koronavirýs juqtyrǵandardyń sany kúrt artyp ketkendigin málim etti, dep habarlaidy "Ult aqparat" Aqordanyń Twitter-degi paraqshasyna silteme jasap.
«Sońǵy kezde koronavirýs juqtyrǵandardyń sany kúrt artyp ketti. Kún saiyn 5 myńnan astam naýqas tirkelýde. Bir apta buryn osy máseleni Úkimettiń keńeitilgen otyrysynda qarastyrdyq. Sol kezde Úkimet ahýaldy baqylaýda ustap otyrmyz dep málimdegen bolatyn. Biraq, ókinishke qarai, jaǵdai jaqsaratyn emes. Kerisinshe, epidemiologiialyq ahýal nasharlap barady. Ásirese, elordadaǵy jaǵdai óte kúrdeli», - dep atap ótti Qasym-Jomart Toqaev.
