Foto: Aqorda
Aqordada ótken saltanatty jiynda Memleket basshysy Qasym-Jomart Toqaev energetika salasy qyzmetkerlerin kásibi merekesimen quttyqtady. Prezident biyl Jumysshy mamandyqtary jyly aiasynda eńbek adamdaryna erekshe qurmet kórsetilip jatqanyn atap ótti, dep habarlaidy Ult.kz.
Memleket basshysynyń aitýynsha, energetika – el úshin strategiialyq mańyzy bar sala.
«Turaqty qýat kózi bolmasa, qýatty memleket qurý múmkin emes. Energetika salasynda qyzmet etý – elimizdiń damýyna úles qosý degen sóz. Sebebi sizder atqaryp jatqan jumystyń igiligin elimizdegi ár otbasy, ár adam kóredi», – dedi Prezident.
Ol árbir úige jaryq pen jylý berý jaýapkershiligi zor is ekenin aityp, sala mamandaryna qajyrly eńbegi úshin rizashylyǵyn bildirdi.
Qasym-Jomart Toqaev elimizdiń ósip-órkendep kele jatqanyn atap ótip, ekonomikany jáne infraqurylymdy damytýǵa basa mán berilip otyrǵanyn jetkizdi.
«Qazaqstan jappai tsifrlandyrý jáne jasandy intellekt dáýirine qadam basty. Qazaqstan bolashaqta tolyqqandy tsifrlyq el bolýǵa tiis», – dedi Memleket basshysy.
Osy baǵytta Astanada Halyqaralyq jasandy intellekt ortalyǵy qurylǵanyn, amerikalyq tehnologiia boiynsha jasalǵan sýperkompiýter iske qosylǵanyn aitty.
Prezidenttiń sózinshe, jahandyq úrdisterge sai jańa data-ortalyqtar salynyp, bultty infraqurylym qalyptasady.
«Árine, munyń barlyǵy energetika salasy úshin úlken synaq bolmaq. Sondyqtan osyndai mańyzdy mindetterdi júzege asyrý úshin energetika salasyn túbegeili jańǵyrtýymyz kerek», – dedi Qasym-Jomart Toqaev.
Memleket basshysy sońǵy jyldardaǵy naqty nátijelerge de toqtaldy.
«Sońǵy alty jylda elektr energiiasyn óndirý 16 milliard kilovatt-saǵatqa artty. Bul Qaraǵandy oblysy siiaqty óndirisi órkendegen aimaqtyń bir jyldaǵy qýat tutyný kólemimen birdei», – dedi ol.
Qazirgi tańda Qazaqstannyń elektr energetikasy júiesinde jalpy qýaty 25 gigavattan asatyn 237 elektr stantsiiasy bar, al naqty qoldanystaǵy qýat kólemi 21 gigavatty quraidy.
Prezidenttiń aitýynsha, memleket júrgizip otyrǵan júieli sharalardyń arqasynda energiia nysandary men injenerlik-kommýnaldyq jelilerdiń ornyqtylyǵy aitarlyqtai kúsheigen.
«Ótken jylǵy jylytý maýsymynda tehnologiialyq aqaýlar 27 paiyzǵa qysqardy», – dep atap ótti Memleket basshysy.
Qasym-Jomart Toqaev energetika salasyn jańǵyrtý eldiń turaqty damýy men tsifrlyq bolashaǵy úshin sheshýshi mańyzǵa ie ekenin aitty.
