Foto: Tengrinews.kz
Memleket basshysy Qasym-Jomart Toqaev Ekibastuz jylý elektr ortalyǵyn jóndeý jumystaryn tolyq kólemde jáne ýaqytyly aiaqtaýdy tapsyrdy, dep habarlaidy Sputnik Qazaqstan.
Ol Ekibastuzdyń energiia júiesin jańǵyrtý basym mindet ekenin atap ótti.
"Úkimet pen ákimdik GRES-1 birinshi energoblogyn iske qosý jáne GRES-2 eki jańa blogynyń qurylysyn der kezinde qamtamasyz etýi kerek. Bul - eldik aýqymdaǵy jobalar", - dedi Prezident elimizdiń áleýmettik-ekonomikalyq damýy jónindegi keńeste.
Toqaev Ekibastuz jylý elektr ortalyǵyn jańǵyrtý jáne kelesi jylý berý maýsymyna daiyndyq jumystaryn tolyq kólemde jáne merziminde júzege asyrýdy tapsyrdy.
"Byltyrǵy daǵdarystyq jaǵdaidyń qaitalanýyna jol berýge bolmaidy", - dedi Memleket basshysy.
