Foto: Aqorda
1 qańtardan bastap Qazaqstan Respýblikasy Eýraziialyq ekonomikalyq odaq organdaryna tóraǵalyq etedi, dep habarlaidy Ult.kz.
Memleket basshysy Eýraziialyq ekonomikalyq odaqqa múshe memleketterdiń basshylaryna Qazaqstannyń Uiymǵa tóraǵalyǵy bastalýyna orai úndeý jasady. Qasym-Jomart Toqaev úndeýinde 5 negizgi baǵytty atap ótti. Onyń ishinde jańa tehnologiialardy igilikke baǵyttap, eýraziialyq ekonomikalyq integratsiianyń basty faktoryna ainaldyrý qajettigin aitty. EAEO-ǵa múshe elderderdiń ortaq maqsatqa den qoiyp, qurlyqtaǵy jetekshi logistikalyq habqa ainalýǵa tiis ekenin jetkizdi. Sondai-aq álemdik deńgeide básekege qabiletti ónim shyǵarý maqsatynda kooperatsiiany keńeitý ári tereńdetý jáne syrtqy seriktesterimen ekonomikalyq yntymaqtastyqty odan ári jandandyra túsýdiń mańyzdylyǵyn atap ótti.
«Ekonomikalyq integratsiia – EAEO aiasyndaǵy yntymaqtastyqtyń nátijelerin sezinýge, iaǵni, jańa óndiris jáne jumys oryndaryn ashýǵa, aldyńǵy qatarly tehnologiialardy engizýge, erkin saýda ortasyn qalyptastyrýǵa septigin tigizetin mańyzdy tetik», - delingen Qasym-Jomart Toqaevtyń úndeýinde.
Sonymen qatar Prezident kedendegi yqtimal kedergilerdi jedel anyqtaý úshin Uiymǵa múshe memleketterdiń zańnamalyq bastamalaryn monitoringteý isine JI tehnologiialaryn qosýdy usyndy.
