Foto: Akorda.kz
Prezident BUU Dúniejúzilik azyq-túlik baǵdarlamasynyń Atqarýshy direktory Sindi Makkeinmen kezdesti, - dep habarlaidy "Ult aqparat" Aqordanyń resmi saityna silteme jasap.
Qasym-Jomart Toqaev Rimge resmi sapary aiasynda BUU Dúniejúzilik azyq-túlik baǵdarlamasynyń Atqarýshy direktory Sindi Makkeinmen kezdesý ótkizdi.
Prezident búgingi kezdesý jahandyq azyq-túlik qaýipsizdigi máselesin sheshýge baǵyttalǵan Qazaqstan men atalǵan uiym arasyndaǵy seriktestikti talqylaýǵa zor múmkindik beretinin atap ótti.
Memleket basshysy elimizdiń jahandyq azyq-túlik qaýipsizdigin qamtamasyz etý jáne BUU, Azyq-túlik qaýipsizdigi jónindegi Islam uiymy sekildi basqa da halyqaralyq uiymdar aiasynda gýmanitarlyq kómek kórsetý boiynsha júzege asyryp jatqan sharalary jaiynda aitty.
2023 jyly Qazaqstan alty memleketke 9,2 million dollar kóleminde gýmanitarlyq kómek kórsetti. Elimiz Gaza sektoryndaǵy kúrdeli ahýaldy eskere otyryp, Palestina halqyna qaiyrymdylyq sharasy retinde 1 million dollar bóldi jáne 2 ret gýmanitarlyq kómek jetkizdi. Sondai-aq tabiǵi apattan zardap shekken Aýǵanstan, Túrkiia, Pákistan jáne basqa da elderge qarjylai kómek kórsetti.
Prezident Aýǵanstandaǵy jaǵdaiǵa basa nazar aýdardy. Memleket basshysynyń pikirinshe, halyqaralyq qoǵamdastyqtyń osy eldegi gýmanitarlyq daǵdarysty toqtatý isin jalǵastyrýy óte mańyzdy.
Qasym-Jomart Toqaev qazir Almatyda Ortalyq Aziia men Aýǵanstan úshin BUU-nyń Ornyqty damý jónindegi aimaqtyq ortalyǵyn ashý jumystary júrgizilip jatqanyn jetkizdi. Bul Ortalyqtyń qyzmeti aimaqtaǵy beibitshilikti, qaýipsizdikti jáne ornyqty damýdy nyǵaitýda BUU-nyń vedomstvoaralyq úilestirý jumysyn retteýge múmkindik beredi.
Kezdesý sońynda Qasym-Jomart Toqaev Sindi Makkeindi aldaǵy Astana halyqaralyq forýmyna qatysýǵa shaqyrdy.
