Foto: Akorda.kz
Aqorda rezidentsiiasynda tórt eldiń tótenshe jáne ókiletti elshileriniń Memleket basshysyna senim gramotalaryn tapsyrý rásimi ótti, dep habarlaidy "Ult aqparat" Aqordanyń baspasóz qyzmetine silteme jasap.
Senim gramotalaryn Shvetsiia Koroldiginiń elshisi Eva Ýlrika Pýlano, Grýziianyń elshisi Nikoloz Laliashvili, Mianma Odaǵy Respýblikasynyń elshisi Lvin Ý jáne Kipr Respýblikasynyń elshisi Kipros Iorgallis tapsyrdy.
Qasym-Jomart Toqaev elshilerdi Qazaqstandaǵy diplomatiialyq missiiasynyń resmi túrde bastalýymen quttyqtap, ekijaqty bailanystardy odan ári nyǵaitý jumystaryna tabys tiledi. Memleket basshysy Qazaqstannyń dostyq jáne ózara tiimdi qarym-qatynastardy nyǵaitýǵa baǵyttalǵan beibit ári ashyq syrtqy saiasat júrgizip otyrǵanyn aitty.
Memleket basshysy diplomattardyń igi missiialaryn oryndaýy kezinde Qazaqstan Úkimeti tarapynan jan-jaqty qoldaý kórsetiletinin atap ótti.
