Foto: Aqorda
«Aqorda» rezidentsiiasynda toǵyz eldiń tótenshe jáne ókiletti elshileriniń Qazaqstan Prezidentine senim gramotalaryn tapsyrý rásimi ótti, dep habarlaidy Ult.kz, Aqorda resmi saityna silteme jasap .
Senim gramotalaryn Kipr Respýblikasynyń elshisi Petros Nakýzis, Japoniia elshisi Iasýmasa Iidjima, Qytai Halyq Respýblikasynyń elshisi Han Chýnlin, Avstriia Respýblikasynyń elshisi Andrea Baher, Býrkina-Faso elshisi Aristid Rapýgdondba Liýdovik Tapsoba, Laos Halyq Demokratiialyq Respýblikasynyń elshisi Siphandon Oibýabýddi, Jańa Zelandiia elshisi Mark Djýlian Treinor, Daniia Koroldiginiń elshisi Iesper Var, Sloveniia Respýblikasynyń elshisi Alenka Sýhadolnik tabystady.
Prezident elimiz jahandyq jáne óńirlik deńgeidegi tynyshtyq pen qaýipsizdikti qoldaýǵa baǵyttalǵan beibitsúigish saiasat ustanatynyn jetkizdi. Bul – Qazaqstannyń syrtqy saiasattaǵy basty baǵdary.
Qasym-Jomart Toqaevtyń aitýynsha, Qazaqstan álemdik aýqymdaǵy is-sharalar men kezdesýlerge uiytqy bola otyryp, halyqaralyq arenadaǵy belsendi oiynshyǵa ainaldy. Óńirdegi iri ekonomikasy bar el retinde túrli memleketterden investitsiiany kóptep tartyp otyr. Sondai-aq Qazaqstan naryǵy ekonomikalyq yntymaqtastyqqa ashyq.
Kezdesý sońynda Prezident elshilerdiń resmi túrde diplomatiialyq missiialarynyń bastalýymen quttyqtap, olardyń memleketter basshylaryna ystyq yqylasyn jetkizdi.
