QR Prezidenti Qasym-Jomart Toqaev birqatar memlekettiń elshilerinen senim gramotalaryn qabyldady, dep habarlaidy "Ult aqparat" Aqordaǵa silteme jasap.
«Aqorda» rezidentsiiasynda ótken saltanatty rásimde Memleket basshysyna Aýstraliia elshisi Greim Mihan, Kipr elshisi Andreas Zinonos, Kongo elshisi David Madýka, Mianma elshisi Ko Ko Shein senim gramotalaryn tapsyrdy.
Qazaqstan Prezidenti sheteldik diplomattardy qyzmetterine resmi kirisýimen quttyqtap, memleketter arasyndaǵy dostyq qatynastardy odan ári damytýǵa daiyn ekenin jetkizdi.
Qasym-Jomart Toqaev elshilerdiń igilikti missiiasyna tabys tilep, olardyń Memleket basshylary men Úkimetterine óziniń sálemin joldady.
