Memleket basshysy Qasym-Jomart Toqaev Birikken Arab Ámirlikterine resmi saparmen keldi, – dep habarlady búgin QR Prezidentiniń baspasóz hatshysy Berik Ýáli Facebook-tegi paraqshasynda.
«Búgin Qazaqstan Prezidenti Abý-Dabidiń murager hanzadasy sheih Muhammed ben Zaid Ál Nahaianmen kezdesedi. Kezdesýde ekijaqty yntymaqtastyq máselesi keń aýqymda talqylanady. Sapar barysynda BAÁ iskerlik toptarynyń ókilderimen dóńgelek ústel ótkizý josparlanǵan»,-delingen habarlamada.
Sonymen qatar Berik Ýáli Qasym-Jomart Toqaevtyń 28 qańtarda Dýbaida Birikken Arab Ámirlikteriniń Vitse-prezidenti, Premer-ministri, Dýbai bileýshisi sheih Muhammed ben Rashid Ál Maktýmmen kezdesetinin aitady.
Sondai-aq Memleket basshysy Dýbai Halyqaralyq qarjy ortalyǵyna (DIFC) baryp, Birikken Arab Ámirlikteri kompaniialarynyń basshylarymen kezdesý ótkizbek.
