مەملەكەت باسشىسى قاسىم-جومارت توقاەۆ بٸرٸككەن اراب ەمٸرلٸكتەرٸنە رەسمي ساپارمەن كەلدٸ, – دەپ حابارلادى بٷگٸن قر پرەزيدەنتٸنٸڭ باسپاسٶز حاتشىسى بەرٸك ۋەلي Facebook-تەگٸ پاراقشاسىندا.
«بٷگٸن قازاقستان پرەزيدەنتٸ ابۋ-دابيدٸڭ مۇراگەر حانزاداسى شەيح مۇحاممەد بەن زايد ەل ناحايانمەن كەزدەسەدٸ. كەزدەسۋدە ەكٸجاقتى ىنتىماقتاستىق مەسەلەسٸ كەڭ اۋقىمدا تالقىلانادى. ساپار بارىسىندا باە ٸسكەرلٸك توپتارىنىڭ ٶكٸلدەرٸمەن دٶڭگەلەك ٷستەل ٶتكٸزۋ جوسپارلانعان»,-دەلٸنگەن حابارلامادا.
سونىمەن قاتار بەرٸك ۋەلي قاسىم-جومارت توقاەۆتىڭ 28 قاڭتاردا دۋبايدا بٸرٸككەن اراب ەمٸرلٸكتەرٸنٸڭ ۆيتسە-پرەزيدەنتٸ, پرەمەر-مينيسترٸ, دۋباي بيلەۋشٸسٸ شەيح مۇحاممەد بەن راشيد ەل ماكتۋممەن كەزدەسەتٸنٸن ايتادى.
سونداي-اق مەملەكەت باسشىسى دۋباي حالىقارالىق قارجى ورتالىعىنا (DIFC) بارىپ, بٸرٸككەن اراب ەمٸرلٸكتەرٸ كومپانييالارىنىڭ باسشىلارىمەن كەزدەسۋ ٶتكٸزبەك.
