QR Premer-Ministri Álihan Smaiylov Úkimettiń keńeitilgen otyrysynda Prezidenttiń qańtar oqiǵasynan keiin bergen tapsyrmalarynyń oryndalý barysy týraly baiandady, dep habarlaidy QazAqparat.
«Qańtar aiynda bolǵan qaiǵyly oqiǵalar elimizdiń áleýmettik-ekonomikalyq damý josparyna túzetýler engizdi. Áleýmettik-ekonmikalyq jáne qoǵamdyq-saiasi jaǵdaidy turaqtandyrý maqsatynda osy jyldyń basynan bastap siz Úkimetke shuǵyl jáne júieli 108 tapsyrma berdińiz. Búgingi tańda 44 tapsyrma oryndaldy», - dedi Álihan Smaiylov.
Onyń sózine qaraǵanda, búginde áleýmettik-ekonomikalyq jaǵdaidy turaqtandyrý jónindegi jedel is-jospar aiasynda eldiń barlyq aimaqtarynda qoǵamdyq tártip qalpyna keltirilgen.
«Kommýnaldyq qyzmetterdiń baǵalary men tarifteriniń ósýine jarty jylǵa mroratorii engizildi. Janar-jaǵarmaiǵa jáne gazǵa shekti baǵalar belgilendi. Úkimet janyndaǵy otandyq kásipkerler keńesi quryldy.
Ýtilizatsiialyq alymldar memleketke berildi. 100 protsent memlekettik uiym «Jasyl damý» aktsionerlik qoǵamy jaýapty operator bolyp aiqyndaldy», - dedi Úkimet basshysy.
